Flugkennsla við klósettin

Klukkan níu af stað út í þjóðgarðinn í súldar blíðu.  flugkennska stendur nú sem hæst í garðinum. Krían er að klára uppeldið á ungum sínum og kennir þeim að fljúga eins og Kríunni er einni lagið. Þær fara með ungana niður að sjó þar sem hafgolan fleitir þeim áfram í loftinu eins og flugdreka. Ungarnir pína sig áfram á eftir foreldrum sínum og kalla hástöfum.... ÉG ER AÐ HRAPA; 'EG GET ÞETTA EKKI¨!! eða eithvað í þá áttina. Algjör krútt með sinn frekjutón eins og við þekkjum þær best.

Það er magnað að fylgjast með þessari flugkenslu og eins gott að hún hepnist vel því margar Kríurnar fljúga alla leið til Ástralíu og til Ísland aftur á nýju vori.

Ekki slæm byrjun á nýjum degi hjá landverði... nema útiklósettin virkuðu ekki og þurfti að koma þeim í stand áður enn alþjóð þrýsti þjóðhnöppum sínum á milli klósettsetanna.